दाङ ।। दाङ तुलसीपुर बजारको एक जुत्ताचप्पल गोदानमा आगलागी हुँदा पाँच जनाको मृत्यु भएको छ । तुलसीपुर उपमहानगरपालिका ५ ‘ङ’ लाईनस्थित इरम फुटवेयर जुत्ता चप्पल पसलको गोदाममा आगलागी हुँदा पाँच जनाको घटनास्थलमै मृत्यु भएको इलाका प्रहरी कार्यालय तुलसीपुरले जानकारी दिएको छ । हुसेन बक्सले सञ्चालन गरेको पसलमा आगलागी हँुदा ज्यान गुमाएकाको शव बाहिर निकाल्न समस्या भइरहेको डिएसपी श्यामु अर्यालले जानकारी दिनुभयो । घटनामा बालबालिकासहित पाँचको शव रहेको र बाहिर निकाल्ने प्रयास भइरहेको उहाँले बताउनुभयो । मृतकहरूको सनाखत हुन बाँकी छ । विद्युत सर्ट भएर आगलागी भएको प्रहरीले आशङ्का गरेको छ । घटनाको विस्तृत विवरण आउन बाँकी छ ।
हाम्राे यूटुव टीभी हेर्नकाे लागि यहाँ किलिक गराै ।।
