रौतहट ।। प्रदेश नम्बर २ को मधेश प्रदेश नामाकरण भएको २२ दिन विति सक्दा पनि मधेश प्रदेश सरकारको मातहतमा रहेका रौतहटका सरकारी कार्यालयहरुले अहिले सम्म मधेश प्रदेश लेखेका छैन ।
निर्वाचन भएको साढे चार बर्षको अन्तरालमा प्रदेशको नामाकरण माघ ३ गते दुइ तिहाई बहुमतबाट राजधानी जनकपुर धाम हुने गरि निर्णय भएको थियो ।
मधेश प्रदेश सरकारले माग १२ गतेमा प्रदेश भित्र रहेका स्थानीय तह , सरकारी कार्यालयहरुमा मधेश प्रदेश सरकार लेख्ने भनि निर्देशन दिए पनि सम्वन्धित कार्यालयका प्रमुखले मधेश प्रदेश सरकारको निर्देशनको पालना गरेका छैन ।
रौतहटमा रहेको १८ स्थानीय तहको बोर्डमा मधेश प्रदेश सरकार लेखिएको छैन ,लेटर पैड समेतमा अहिले सम्म प्रदेश २ नै कायम गरि कारोवार गर्ने गरिएको देखिएको छ ।
सरकारको निर्णय तुरुन्त कार्यन्वयन गर्नु पर्नेमा सो नगरी सम्वन्धित कार्यालयका प्रमुखहरुले अटेरी गरि बसेका हुन् । सदरमुकाम गौरमा रहेका मधेश प्रदेश सरकारका सामाजिक विकास मन्त्रालय अन्तर्गतका जिल्ला स्वास्थ्य कार्यालय , प्रादेशिक अस्पताल गौरको कार्यालयको बोर्डमा अहिले सम्म प्रदेश सरकार प्रदेश नम्बर २ नै लेखिएका छन् ।
भौतिक पूर्वाधार विकास कार्यालय , जिल्ला समन्वय समिति कार्यालय , सिचाई तथा जलस्रोत कार्यालय , जिल्ला कृषि ज्ञान केन्द्र , जिल्ला भेटेनरी अस्पताल तथा पशु सेवा कार्यालय , यातायात तथा व्यवस्था कार्यालयमा पुरानै नाम उल्लेख गरिएको हुदा कार्यालय प्रमुखले मधेश प्रदेशको पहिचान नै गौण गर्ने कार्य गरेको छ ।
मधेश प्रदेश सरकारको निर्णय कार्यन्वयन गर्न आलटाल गर्ने कार्यालयको प्रमुख माथि सरकारले कडाइ गरि मधेश प्रदेश सरकार लेख्न लगाउनु पर्ने देखिन्छ ।
