काठमाडाैं ।। नवगठित एकीकृत समाजवादी पार्टीको स्थायी कमिटीमा महिला नेतालाई समावेश नगरेको भन्दै आलोचना भएको छ । माधव कुमार नेपाल नेतृत्वको पार्टीले बिहीवार ५ सदस्यीय स्थायी कमिटी गठन गरेको थियो । तर, स्थायी कमिटी बैठकमा एक जना पनि महिला परेका छैनन् । समाजवादको सिद्धान्त सहित खोलेको भनिएको कम्युनिष्ट पार्टीमा महिलाको सहभागिता नहुनु नकारात्मक भएको भन्दै आलोचना भएको छ । तर, पार्टीका स्थायी कमिटि सदस्य बदुराम भुसालले भने नेकपा एमालेमा स्थायी कमिटीमा रहेका मात्र अहिले स्थायी कमिटिमा रहेको भन्दै यसलाई पुर्नगठन गर्ने बताउनुभयो । नेता भुसासले पार्टीका कुनैपनि संरचना नबनेको भन्दै अब संरचना विस्तार गरेपछि महिलाहरुलाई समावेश गर्ने बताउनुभयो । दल दर्ताका लागि निर्वाचन आयोगमा पेस गरेको कमिटीमा महिलाको ३३ प्रतिशत भन्दा बढी सहभागीता रहेको पनि नेता भुसालले बताउनुभयो ।
