रौतहट ।। राैतहट जिल्लाको राजदेवी नगरपालिका वडा नम्बर १ पथरा टोलमा प्रदेश सरकारको जनता आवास कार्यक्रम अन्तर्गत निर्माण भैरहेको डुम समुदायको घर अहिले सम्म निर्माण हुन् सकेको छैन ! अषाढ मसान्त सम्ममा निर्माण कार्य सक्नु पर्ने उक्त योजनाको कार्य अलपत्र अवस्थामा परेकोले दलित समुदायका व्यक्ति थप पिडामा परेको हो ! प्रदेश सरकारले दलित समुदायका डोम मुसहर जातिका परिवारलाइ घर बनाउने उदेश्यले ल्याएको योजना रौतहटमा ओझेलमा परेको छ ! राजदेवी नगरपालिका १ मा बसोवास गर्ने ७ जना परिवारको घर समयमा निर्माण नहुदा झुपडीमा बसेर गुजारा गर्नु पर्ने बाध्यात्मक अवस्था सृजना गरिएको पिडा घरवार विहिन बनाईएका परिवारहरुको रहेको छ ! जनता समाजवादी पार्टी नेपालका प्रदेश सांसद बाबुलाल साह कानु अध्यक्ष भएको जनता आवासको कार्यक्रम जिल्लामा पूर्णता पाउन सकेको छैन ! गएको फाल्गुन महिनामा भएको फुसको घर भत्काई न्या घर निर्माणको कार्य संचालन गरेका भएपनि घर निर्माण हुन् सकेको छैन ! घर निर्माण नहुदा पारिवारिक समस्या उत्पन्न भएको गुनासो स्थानीय इन्दु देवी मलीले गरेकी छिन ! घरको कार्य अधुरो भएकोले सानो झुपडीमा बस्नु परेको पिडा पोख्दै वर्षाको समयमा पानिमा बस्नु परेको दुखेसो पोखे ! सानो सानो छोरा छोरी लिएर झुपडीमा सुत्ने गरे पनि घर निर्माणको जिम्मा लिएका व्यक्तिले कुनै चासो नदेखाएको आरोप उहाको रहेको छ ! भएको घर पनि तोडियो र न्या घर पनि निर्माण गरिएन उनले भने घर नभएकोले खाने कुरा लगायतका खाद्यान्न सामग्री ,लता कपडा वर्षको पानिले छती ग्रस्त हुने गरेको पिडा उनीहरुको रहेको छ ! गणेश मली , कुश्मी मली , उपेन्द्र मलि , रनसिंग मलि , छविला मलि , जगदीश मलि , महावीर मलिको घर अधुरो रहेको छ ! राजनीतिक हिसावले घर निर्माणको जिम्मा दिइएकोले घर निर्माणको कार्य अलपत्र अवस्थामा परेको स्थानीयहरुको टिप्पणी रहेको छ ! २२ फिटमा २ वटा कोठा निर्माण गर्न ३ लाख ६० हजार रुपैया बजेट छुट्याइएको बुझिएको छ ! गरिव , अशिक्षाको मारमा रहेका डुम परिवारलाइ जनता आवास योजनाले थप पिडा दिइएको टिप्पणी विरेन्द्र मलिले गरेका छन् ! ६ महिना देखि अलपत्र अवस्थामा निर्माण कार्य छोडिएको देखिएको छ ! राजदेवी नगरपालिका वडा नम्बर ७ मा पनि गीता देवी मलिको घर अलपत्र अवस्थामा छोडिएको छ ! घर निर्माणको कार्यमा प्रदेश सरकारको लगानी सार्थक देखिएको छैन ! प्रत्येक स्थानीय तहमा शुरु गरिएको जनता आवास कार्यक्रममा रकमको व्यापक अनियमितता भएको आशंका गरिएको छ !
