काठमाडाैं ।। काठमाडौँ उपत्यकामा जारी गरिएको निषेधाज्ञाको आदेश र कार्यान्वयनको अवस्थाका बारेमा समीक्षा गर्न तीन जिल्लाका प्रमुख जिल्ला अधिकारीको बैठक आज बस्दैछ । काठमाडौँका प्रमुख जिल्ला अधिकारी कालीप्रसाद पराजुलीका अनुसार बैठकमा थप केही क्षेत्रमा कडाइ गर्ने बारे छलफल हुनेछ । एक हप्ताका लागि काठमाडौँ उपत्यकामा निषेधाज्ञा जारी गरिएकोमा एक साता निषेधाज्ञाको समय थप गर्ने बारेमा पनि छलफल र आवश्यक निर्णय गरिने उहाँले बताउनुभयो । मन्त्रिपरिषद्को अघिल्लो बैठकले आवश्यक परेमा निषेधाज्ञाको समय २ हप्तासम्म तोक्नका लागि जिल्ला प्रशासन कार्यालयलाई अनुमति दिएको थियो । खाद्यान्नका पसल बिहानबेलुका चलाउन दिँदा भीड भएको भन्दै बिहान मात्रै सञ्चालन गर्ने बारेमा पनि बैठकमा कुराकानी हुने उहाँले बताउनुभयो । सरकारी कार्यालय र बैँक तथा वित्तीय संस्थाका कर्मचारीको आवतजावतमा पनि कडाइ गर्ने तयारी प्रहरीप्रशासनको छ । काठमाडौँ, भक्तपुर र ललितपुरमा गएको बिहीबारदेखि कोरोनाभाइरसको महामारी नियन्त्रणका लागि भन्दै एक साताको निषेधाज्ञा आदेश जारी गरिएको छ ।

हाम्राे यूटुव टीभी हेर्नकाे लागि यहाँ किलिक गराै ।।

LEAVE A REPLY

Please enter your comment!
Please enter your name here