काठमाडौं ।। नेपालमा पछिल्लो २४ घण्टामा २०५९ जनामा कोरोना भाइरसको संक्रमण पुष्टि भएको छ ।
देशभरका प्रयोगशालामा १३ हजार २७९ नमुना परीक्षण गर्दा ७३२ महिला र १३२७ पुरुषमा संक्रमण पुष्टि भएको हो । यसका साथै देशभर कुल संक्रमितको संख्या एक लाख नाघेको छ ।स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार हालसम्म १ लाख ६७६ जना संक्रमित भएका छन् । उनीहरुमध्ये ७३ हजार २३ जना संक्रमणमुक्त भएका छन् । पछिल्लो २४ घण्टामा १६८० जना संक्रमणमुक्त भएका छन् । यसका साथै दशभर कोरोना भाइरसबाट निको हुनेहरुको संख्या ७३ हजार २३ पुगेको छ । भने देशभर २७ हजार ५३ संक्रिय संक्रमित छन् ।
कोरोनाबाट नेपालमा थप १० जनाको मृत्यु भएको छ। पछिल्लो २४ घण्टायता मृत्यु हुनेमा एक जना महिला र ९ जना पुरुष रहेका छन्। मृत्यु हुनेमा झापामा २९ र ५२ वर्षीय, सुनसरीमा ४६,५२ र ६८ वर्षीय, ललितपुरमा ८४ वर्षीय, रुपन्देहीमा ४७ र ८४ तथा काठमाडौंमा ७१ वर्षीय पुरुष तथा ८७ वर्षीया एक महिलाको पनि मृत्यु भएको छ।
यससँगै नेपामा कोरोनाबाट मृत्यु हुनेको संख्या ६०० पुगेको छ।
