पिकनिकबाट फर्कँदै गरेको बस दुर्घटना, एकको मृत्यु , घाइतेको उपचार चल्दै

बारा ।। सिमरामा शनिबार राति बस दुर्घटना हुँदा एक जनाको मृत्यु भएको छ। बस दुर्घटनामा मृतक र घाइतेको पहिचान खुलेको छ । मृत्यु हुनेमा भारत मोतिहारी जिल्ला पोखरीया पपरीया ढाका किरैया घर भई पर्साको वीरगंज ७ बस्ने २७ बर्षका मुकेश साह रहेको बाराका प्रहरी प्रबक्ता दधिराम न्यौपानेले जानकारी दिए। दुर्घटनामा परि ११ जना घाइते भएका छन्। शनिबार राति जलबिरे झरना चितवन बाट पिकनिक मनाएर वीरगंजतर्फ फर्किदै गरेको ना ७ ख ४७४९ नम्बरको बस दुर्घटनामा परेको थियो। सिमरास्थित राष्ट्रिय बाणिज्य बैंकको भवनमा अनियंत्रित भएर ठोक्किदा दुर्घटना भएको न्यौपानेले जानकारी दिए। घाईतेहरुको वीरगंज र सिमरास्थित विभिन्न अस्पतालमा उपचार भइरहेको छ। घाइते ११ मध्ये दुई जनाको अवस्था गम्भीर छ।