राैतहट ।। जिल्ला प्रशासन कार्यलय रौतहटले अाज सोमबार देखि प्रत्येक स्थनीय तहहरुलाई आलोपालो गरि सेवा प्रबाह गरिने भएका छन् ।
कोभिड १९ को तेस्रो लहर ओमिक्रोनको बढ्दै गैरहेको संक्रमणको नियन्त्रण तथा रोकथामको लागि भिडभाड नहुन दिनको लागि प्रमुख जिल्ला अधिकारी कृष्ण बहादुर शाहीले हप्तामा ६ दिन स्थानीय तह अनुसार सेवा प्रबाह गर्ने प्रक्रिया लागु गरेका हुन् ।
माघ ६ गतेका दिन जारी गरिएको आदेशको ८ नम्बर बुदा अन्तर्गत अत्यावश्यक सेवाका साथै स्वास्थ्य सुरक्षाका मापदण्डको अनिवार्य पालना गरि गराई स्थानीय तह अनुसार आलो पालो मिलाई मानिसको भिड भाड नहुने गरि सरकारी सार्वजनिक निजि कार्यलय निकायहरुले सेवा प्रबाह र कार्य संचालन गर्ने गराउने उल्लेख भए अनुसार कार्यन्वयन गर्न लागिएको प्रमुख जिल्ला अधिकारी शाहीले बताएका छन् ।
सोमबार देखि जिल्ला प्रसाशन कार्यालयले आइतवार र सोमबार गौर नगरपालिका , राजदेवी नगरपालिका ,फतुवा विजयपुर नगरपालिका र दुर्गा भगवती गाउपलिकाका सेवाग्राहीहरुलाई कार्यालयबाट प्रबाह हुने नया नागरिकता , प्रतिलिपि नागरिकता . राहदानी लगायत विभिन्न सिफारिसका सेवाहरु रहेको जिल्ला प्रसाशन कार्यालय द्वारा जारी सुचनामा उल्लेख गरिएको छ ।
मंगलवार र बुधवारका दिन बौधीमाइ नगरपालिका , देवाही गोनाही नगरपालिका , यमुनामाइ गाउ पालिका , र राजपुर नगरपालिका तथा विहिवार र शुक्रवारका दिन मौलापुर नगरपालिका , कटहरिया नगरपालिका ,परोहा नगरपालिका एवं इशनाथ नगरपालिकाका स्थानीय सेवाग्राहीहरुलाई कार्यालयबाट सेवा प्रदान गरिनेछन ।
दिन प्रति दिन बढ्दै ओमिक्रोनको संक्रमण रोकथाम गर्नको लागि स्वास्थ्य मापदण्ड पालना ,नियमित रुपमा मस्क प्रयोग , भौतिक दुरी कायम गर्नु पर्ने आवश्यक रहेको प्रमुख जिल्ला अधिकारी शाहीले जनाएको छ ।
